تبلیغات
دست نوشته ها - مطالب ابر شعر ترکی
 
دست نوشته ها
تو حواست نیست ولی من حواسم پیش توست هوایت را دارم همیشه برایم تازه است
 
 
شنبه 12 مرداد 1392 :: نویسنده : علی سلیمی

دونن آخشام چاغی سنسیز منی آغلاتدی یاغیش
یادیما سالدی سنی مطلبینه چاتدی یاغیش

كوچه لر اولدی گوزومده یئنه بیر آرپا چایی
منی سنسیز نئجه نیسگیل سئلینه آتدی یاغیش

اؤدو سوندورمه سویون قایداسیدی آمما دونن
كؤزه رن كؤنلومو یاغدیقجا اَلو لاتدی یاغیش

یادا سالدی اؤ یاغیشلیق گونو كی اوندا منی
كَپنَك تك باشینا شوقیله اویناتدی یاغیش

بو خاغیندان آخاراق بیلدی شیرینلیك شانیسان
گول اوزوندن سوزولوب بال فَرَه سین داتدی یاغیش

دوداقین قیرمیزی گوللر كیمی آچمیشدی سنین
سوزوله ن وقت اؤ دوداقلاردا قانا باتدی یاغیش

اؤ قدر مستیدیم هئچ بیلمه دیم آخیر نه زمان
سینه م اوسته ساریلان تئللری ایسلاتدی یاغیش

اینجه یاپراق تك اَسیب قوینوما گیردین اؤشودون
شَكَری گؤر نه مَهارتله دوزا قاتدی یاغیش

دامجی دامجی سنه لای لای دئدی قوینومدا منیم
نه دئییم بلكه سنی كؤرپه یه اؤخشاتدی یاغیش

صورا بیلدیم آپاریب قورد گئچینین شَنگولوسون
سنی مندن آلیب آنجاق منی آللاتدی یاغیش

دونن آخشام گئنه بیر سودا دا گوردوم كی منه
آجیلیقلا او شیرین خاطیره نی ساتدی یاغیش

اویانیردیم كی باشیم دَیدی ملامت داشینا
منی رؤیادان آیتماقدا اؤزی یاتدی یاغیش

شعر=مصطفی عزتی





نوع مطلب : شعر، 
برچسب ها : مصطفی عزتی، شعر، شعر ترکی، یاغیش،
لینک های مرتبط :


جمعه 2 فروردین 1392 :: نویسنده : علی سلیمی

یـــا مــقـلـــــب الـقـلــــوب والابـصـــار
یـــاراتــدیـــن اورکلـــــری بــــی غبــار
عجــــایبـــدنـدی وردیـغـــیــن گـوزلـــر
قــویمــــا دوشـســـون اونـــلارا غبـــار
یا مــدبـــر الــــیــــل والــــــنـــهــــــار
امر ایله مه سن گئجه لر گوندوز اولمـاز
اولــــدوزلاری آی سیــــز قالا بیلمـــــز
گــــون چیخماسا، صوبــــح اولا بیلمــز
یــــا محــــول الحــــــــال والاحـــــــوال
یــــادیــمیــــز سنیـــنلــــه آرام اولــــار
حــــول حـــالنــــا الا احســـن الحــــال
قویمـــا دوشســـون یادیمیــزا یاد اغیار

(علی سلیمی)





نوع مطلب : شعر، 
برچسب ها : شعر، شعر علی سلیمی، علی سلیمی، شعر ترکی، عید نوروز، سال نو، یـــا مــقـلـــــب الـقـلــــوب ..،
لینک های مرتبط :


پنجشنبه 3 شهریور 1390 :: نویسنده : علی سلیمی

گوزلرین یوخولاریمدا قالیب.
یاددان چیخیب آپاراسان؟!
یا اوزون آپارمیبسان؟!
کی هرگون
بیر باخیشلا
منی اولماقلارینا ایناندیریللار

(معادل تقریبی متن بالا)
چشمهایت میان خوابهایم جا مانده
یادت رفته ببری؟!
یا خودت نبرده ای؟!
که هر از گاهی
به تلنگری
مرا از بودن خویش با خبر می کنند.


(علی سلیمی )





نوع مطلب :
برچسب ها : شعر، شعر علی سلیمی، علی سلیمی، گوزلرین یوخولاریمدا قالیب، چشمهایت میان خوابهایم جا مانده، شعر ترکی،
لینک های مرتبط :


شنبه 18 تیر 1390 :: نویسنده : علی سلیمی

آغ کاغاذ، مداد
یازماق ایستیر اورگیم ،
دوداخلاریم اوپوش آلیر
دوداخلاریننان ، سیگارین
سن گئدنن بری ،
آخی یامان داریخیرام .....

یازیرام هی پوزورام
یازیرام هی پوزورام
اوز الیمده دییر
مدادیم دی کی هی یازیر
من ایستمیرم کی سندن یازام .......

 

(علی سلیمی )






نوع مطلب : شعر، 
برچسب ها : یازیرام هی پوزورام، علی سلیمی، شعر، شعر علی سلیمی، شعر ترکی،
لینک های مرتبط :


دوشنبه 6 تیر 1390 :: نویسنده : علی سلیمی

گون کئچمه ده دیر
کولگه دوشور ، داغ - دره یه
باخ!
قافیله لر ایندی گئدیرلر بره یه
بیهوده کئچن
کولگه له نن گونلریمیز
بیر قافیله حالینده گئدیرلر نره یه ؟


(جبیب ساهیر)





نوع مطلب :
برچسب ها : گون - حبیب ساهیر، گون، حبیب ساهیر، شعر، شعر ترکی،
لینک های مرتبط :


بو گون من سنی گوردوم
سالام وئرمک ایسته دیم
اوزونو یانا توتدون
سویله ایللردن بری
قلبیمیزین بیر دویوب
بیر ووردوغو ایللری
آخی نه تئز اونوتدون؟
بئش ایلده گوزوموزدن آخان او قانلی سئللر
بیر سالاما دیمه دی؟
هئچ اوزومه باخمادان، یانیمدان نئجه کئچدین؟
سن عشقین سالامینی، قورخویامی دییشدین؟
یوخسا سن اوز، عهدینه، ایلقارینا، آغ اولدون؟
او قدر یاخین ایکن، بو قدر اوزاق اولدون.
شیرین گولوشلریمیز، آجی فغانلاریمیز
بیر سالاما دیمه دی؟
قایغیلی آنلاریمیز، قایغیسیز آنلاریمیز
بیر سالاما دیمه دی؟
سن نئیله دین؟ بیر دوشون!!!
...
یالنیز ایندی آنلادیم، آه، سن داها منیم چون
ال چاتماز بیر چیچک سن
یاشانمیش گونلریم تک، گئری دونمیه جک سن!...
قوپ آی توفان، اس آی یئل! خزل اولوم، توکولوم
دوز بئش ایل اوره ییمده، بسله دییم محبت
بیر سالاما دیمه دی!
بیر گونلوک حسرتیمه دوزه بیلمه ین گولوم
بس نه اولدو بو حسرت، بیر سالاما دیمه دی؟
گئتدین دالینجا باخدیم، جان آیریلدی جانیمدان
سن نئجه اعتناسیز اوته بیلدین یانیمدان؟
آه چکدیم، باشیم اوسته یارپاقلار اسدی، گولوم
سنین قلبین اسمه دی.
آرخانادا باخمادین!
نییه سنین یولونو محبتین کسمه دی؟...
قازانجیمیز دئه بومو؟
دئییلمه میش او سالام، الویدامیز اولدومو؟

سن منه ظولم ائیله دین، منه ظولوم یاراشیر
بیر سالاما دیمه ین عشقه، اولوم یاراشیر!





نوع مطلب : شعر، 
برچسب ها : بیر سالاما دیمه دی - بختیار وهابزاده، بیر سالاما دیمه دی، بختیار وهابزاده، شعر، شعر ترکی،
لینک های مرتبط :


جمعه 20 خرداد 1390 :: نویسنده : علی سلیمی
گئجه گوندوزلریمی سایدیم هر آی
اوز گویلومه دئدیم گلرسن بو آی
کوچه لره سو سپدیم ،گول باغلادیم
سن گلنده دئدیم توز اولماسین یوللاری
ساماواری آلیشدیردیم سنه خاطیر
اوتدوم قاپیدا سن گلن یوللارا ساری...
سن گلمه دین گوزلریم باخا باخا قالدی
هئش بیلمه دین سن سیز گونوم قارالدی
بیر آن دا کوچه نی توز آلدی ، گوللر سارالدی
قاپیمیزین دا گوزو یولونا حسرتیله باخدی
یرینی بیر دونیا غم الدی سینیخ کونلومده
ساماوارین دا اودی یانا یانا اوریینده قالدی
...




نوع مطلب : شعر، 
برچسب ها : شعر، شعر علی سلیمی، علی سلیمی، سن گلمه دین، شعر ترکی،
لینک های مرتبط :


یکشنبه 22 اسفند 1389 :: نویسنده : علی سلیمی

آزادلیق


آزادلیق ایسته ییردین ...
ایندی مندن اوزاقدا
آزادسان، جیسمین آزاد !
ایندی بویور، سئوگیلیم ،
من دوستاغام ، سن آزاد ! ....
 

( بختیار وهابزاده )





نوع مطلب : شعر، 
برچسب ها : آزادلیق، شعر، شعر ترکی،
لینک های مرتبط :


شنبه 7 اسفند 1389 :: نویسنده : علی سلیمی

گوزلرینی ایتیرمیشم گور ناواخدی

کاغاذا چکمیشدیم ،نم هاردا قالیبدی

گئجه لر باشیم اوستونده ، یاتاردیم

گونوزلرده کوینیکیمین جیبیمده اولاردی

بیلمه میشم کی بیردن نئجه اولوبدی

ایتیرمیشم ناواخدی اول گوزلرینی

کاش بیر دها دا چکیدین کاغاذا

 منه بورج وئره یدین اول گوزلرینی

(علی سلیمی)





نوع مطلب : شعر، 
برچسب ها : گوزلرینی ایتیرمیشم، علی سلیمی، شعر ترکی، شعر علی سلیمی،
لینک های مرتبط :


سه شنبه 12 بهمن 1389 :: نویسنده : علی سلیمی

اویما هرزولفی قارا،سئوگیلی جانانه،کونول
بووفاسیزلارائدرلر سنی دیوانه ، کونول
مومکون اؤلدوقجا چالیش یانمایاسان عشق اؤدونا
شمع دَن گورنه چکیر هر گئجه پروانه ، کونول
سَن هله عشق کمندینده اسیر اؤلمامیسان
اؤیما مجنون کیمی هرزولفِ پریشانه کونول
گولده اؤلسایدی وفا،خاریله یار اؤلمازیدی
بولبولون آهی یاییلمازدی گولوستانه،کونول
آشنا اؤلماق عبث دیر بو پری چهره لره
یئنه بیرگون اؤلاجاقلار سنه بیگانه ،کونول
سئودیین اؤلسا زولیخای زامان،سن یوسیف
فکرائدیب سالدیرا جاقدیرسنی زندانه،کونول
واحیدین عومروبوتون نازلی گوزه للرله گئچیب
بو حقیقت سوزو ظن ائیلمه افسانه، کونول

( علی آقا واحد )





نوع مطلب : شعر، 
برچسب ها : سئوگیلی جانانه، کونول، علی آقا واحد، شعر ترکی، شعر،
لینک های مرتبط :


چهارشنبه 6 بهمن 1389 :: نویسنده : علی سلیمی
تبریزیمین هفته خیال هاواسی
گاه یاغیب گاه دولان هاواسی
آشیر داشیر سرین سرین چایلاری
اورکلر سرینلیغینا حسرت قالیبدی
ماوی گوزلری جیران گوزلریدی
او گوزل گوزلرینه گوزلر حیراندی
باشدا شهریارینا اورکلر وورغوندی
اوجا سهندینه جانلار بوتون حیراندی
عینالی آدلی قیزیل داغ اونا دایاخدی
قوجا ارک هئله اوجاباش سربازدی
****
تبریزیمین وئرمه رم عالمه بیر توکونی
نه دئسه م گوزللیندن گینه ده آزدی

 

(علی سلیمی )





نوع مطلب : شعر، 
برچسب ها : تبریزیم، شعر ترکی، شعر، علی سلیمی، شعر علی سلیمی،
لینک های مرتبط :


پنجشنبه 9 تیر 1390 :: نویسنده : علی سلیمی

بیر سوز

زامانلار سووشئب گئدجاخ

سن اوردا من بوردا

گون باتئب بیر داهادا چیخاجاخ

کونلون بنی  یاددان چیخارداجاخ

اما بیر گون

اوز اوزه گلیب

بیر بیریمیزله گوروشه جاغخ

کاش

او گون تئز گلسین

گوز گوزه سالیب

بیر سوز سوروشوم سندن

 کــــــــــــــــــی نیه ؟

( علی سلیمی )





نوع مطلب : شعر، 
برچسب ها : بیر سوز، شعر ترکی، شعر علی سلیمی، علی سلیمی،
لینک های مرتبط :


دوشنبه 4 بهمن 1389 :: نویسنده : علی سلیمی

اویونیدی باخ باخاخ تا کی گولاخ
آخ کی یادیما هی دوشور اوشاخلیخ
بیریمیز قورد اولالی قووالاردوخ
او بیریسی قوزو اولانی توتاردوخ
هردن ده اویوندا یخیلیب آغلاردوخ
گاهداندا ساواشیب سونرا باریشاردوخ
قِییش قاچیتدی اوینیب آشیخ آتاردوخ
دنیانین غم غصه سین به کل آتاردوخ
یورولاندا آنانین دیزی اوسته یاتاردوخ
آخ کی نه گونلریدی زامانی اوشاخلیخ
 هاردا قالدی؟کاش بیرده اونی تاپیدوخ
 آخ کی نه گونلریدی سووشدی اوشاخلیخ

(علی سلیمی )





نوع مطلب : شعر، 
برچسب ها : شعر علی سلیمی، شعر ترکی، شعر، اوشاخلیخ،
لینک های مرتبط :


یارین بویون قوجاقلادیم، یار آغلادی من آغلادیم
ییغیشدی قونشولار بوتون جار آغلادی من آغلادیم
باشیندا قار قالان داغا، دانیشدیم آیرِیلیق سؤزون
بیر آه چکیب باشینداکی قار آغلادی من آغلادیم
طارمدا نار آغاجلاری منی گؤروب دانیشدیلار
بویومو زیتون اوخشادی نار آغلادی من آغلادیم
اؤرک سؤزون دئدیم تارا سیملر اولدو پارا- پارا
یاواش- یاواش سیزیلدادی تار آغلادی من آغلادیم
دئدیم کی حاق منیم کیدیر باشیمی جکدیلر دارا
طناب کسنده بوینومو دار آغلادی من آغلادیم
ایلیگه اسدی بیر خزان تالاندی گوللریم منیم
خبر چاتینجا بولبوله خار آغلادی من آغلادیم
«جعفریم» بویوم بالا غم سینمده قالا- قالا
یار جانیمی آلا آلا یار آغلادی من آغلادیم.

هوشنگ جعفری





نوع مطلب : شعر، 
برچسب ها : یارین بویون قوجاقلادیم، یار آغلادی من آغلادیم، هوشنگ حعفری، شعر ترکی،
لینک های مرتبط :


جمعه 14 آبان 1389 :: نویسنده : علی سلیمی

اصلی کرم شعرینه بیر حاشیه

" کرم دئیه رمن بیر سفیل صییادام
هر مارالا تور آتارام مار گلی
یار باغینین بولبوللری اوخویور
بیزیم یوردا سئیره ده یوخ سار گلی"

ائوده بیر ایل آه چکرم خبر یوخ
ائودن چیخام ، من اویانا ، یارگلی
تای - توشلاریم ، چوله چیخا، گون چیخار، 
من چیخاندا یاغیش گئتسه ، قارکلی  
یازیغ قوزوم !آجلیغا دوز ، داریخما،
بوگون - صاباح باهار گلی ، بار گلی  
بیزه گله - گلمیه ، بیر کال اییده،
قونشوموزا هیوا گلی ، نار گلی
خان ایوئینه ، شئر گله ، قویروق بولار
بیزیم ائوه، کور ایت گله ، هار گلی .

برای مشاهده کامل مطلب روی( ادامه مطلب )کلیک کنید



ادامه مطلب


نوع مطلب : شعر، 
برچسب ها : اصلی کرم شعرینه بیر حاشیه، شعر، شعر ترکی،
لینک های مرتبط :




درباره وبلاگ


گل گوروشک سئوگیلیم
آغیرلاشیب نیسگیلیم
عشقمیزین اوزونه
سن گولومسه،من گولوم

مدیر وبلاگ : علی سلیمی
جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :